الشاعر الليبي محمد المهدي يُلقي أربعٍ من أجملِ قصائده بصوت شجي و إلقاء غاية في الروعة.
رحمه الله رحمة واسعة
يا بلادي حبك موالي ..
عليك و الله ما يغلى غالي
...
يا بلادي يا حلوة ..
يا نسمة حنان و غنوة
أنا العاشق و أنتي النجوى ..
اللي تملا فكري و خيالي
في عيونك أنتي ..
شفت بويا و أمي و حبيبتي ..
طفلي بكره و ضحكة بنتي ..
و تراب اجدودي الغوالي
تعال خبر واحكى بالحق ... على ريته قبل وزال
اليوم خالى مافيك رشق ... طرى لك ماطاري لتلال
الناس اللى بيهم شارق ... اللي كانوا عزوه للمال
تقاصوا عنك خشوا رق(1) ... سرابه ع العالى هيال
ان ما جوني لازم نلحق ... بزادي وزوادي وجمال
ونقطع غيم يبان ازرق .. بلا تظنين .. بزادى ورجالى وعوين
***
تعال خبر ماريت عرب ... ولا ريت نجوع كثيرات
ولا ريت عساكر تلعب ... لهن سنزق فيه علامات(2)
يفزن كان البوق ضرب ... لجيه فيسع ملزومات
جنود يكيدن من يحسب ... عددهن سربه بالميات
وحاكم يصلب كان غضب ... أمير على ست آلايات(3)
يونس وين يجي راكب ... ينوض منه مقبوضات
يتم عليهن يصلب ... نداوى بادى في حوزات(4)
نهار اللى يداري ع السب ... تحجي دون الحرماوات
ضرب جا طايح يشقلب .. وتم نين .. تعرم بين العرامين
تعال خبر ماريت قديم ... ولا ريت نواجع حكام
ولا ريتش مال جراثيم ... شون ياسر كادن لزدام
ولا ريتش خيل ملاضيم ... أدب ناس ملايا بالنام
يفرن لا صار التنغيم ... منين طق الميصور وزام
يجن غير تقول براريم ... منين ثوب البيضا يدغام
منين فيهن صار التعريم .. وطاح الزين .. فني من هذين وهذين
- الرق : اى المنطقة الصحراوية القاحلة المنبسطة
2- سنزق: من سنجق باللغة التركية وتعني راية
3- آلايات : جمع الاى بالتركية وتعنى لواء من الجيش
4- نداوى : نوع من الصقور ... حوزات : اسراب من الحبارى
تعال خبر ياسوف الجين .. تعال خبر ياسوف الجين
